Votuporangano

*Paulo Cesar Pires*
Votuporanga-SP (Brazilo) UTC -3
votuporangano@gmail.com

Venontsabate la restaĵoj de ĉina raketo povos fali sur okcidenta Usono

Skribaĵeto de la 6-a monatotago.
Atentigo pri gramatikaj eraroj bonvenas.

Merkrede (la 5-an) la gazeto China Global Times informis, ke venontsabate la restaĵoj de la ĉina raketo "Long March 5B" povos fali sur la oceano en okcidenta usona teritorio. La restaĵoj koncernas la unuan etaĝon (5 m larĝa, 30m longa kaj 187 tunoj peza) de la raketo.

La raketo 'Long March 5B' deteriĝis el la insularo Hajnano en suda Ĉinujo je la 29-a de aprilo por orbitigi la unuan modulon de la Ĉina Kosmostacio Tiangong, kiu iĝos la loĝejo de tri teamanoj.

Laŭ la usona faka retejo Aerospace la restaĵoj povos trafi la Teron la 8-an de majo je la 23h34. La plejmulto de la eroj bruliĝos dum la reeniro.

Virino naskis naŭ ĝemelojn

Skribaĵeto de la 5-a monatotago.
Atentigo pri gramatikaj eraroj bonvenas.

Hieraŭ (marde, la 4-an) virino el Malio naskis naŭ ĝemelojn, kaj ĉiuj idoj (kvin knabinoj kaj kvar knaboj) bonfartas, laŭ registara anonco. La akuŝo okazis en Maroko, kien Halima Cissé estis venigita je la 30-a de marto por havi pli bonkvalitan zorgadon de tia tre maloftgega gravedeco, klarigis la ministerio pri sano.

Fanta Siby, la ministro de sano de Malio, al novaĵagentejo AFP diris, ke la patrino kaj infanoj bonfartas ĝis nun, kaj revenos hejmen post semanoj. Ŝi gratulis la kuracoteamojn de Maroko kaj Malio, pro la bona agado ekde la komenco. Malgraŭ tio la ministro pri sano de Maroko Rachid Koudhari asertis, ke li ne konas tiun okazintaĵon.

Eŭropa Unio rajtigas nutrajon kun larvoj de faruno

Skribaĵeto de la 4-a monatotago.
Atentigo pri gramatikaj eraroj bonvenas.

Hodiaŭ (marde, la 4-an) la 27 landoj de Eŭropa Unio (EU) akordis pri la permeso de surmerkatigo de homa nutraĵo farita surbaze de insektoj, aparte tiuj larvoj de faruno (tenebrio molitor), kiu voregas farunon, restaĵojn de pano kaj bulkoj, sed ankaŭ grenon. Tiuj skaraboj odoras kiel fenolo. Oni ofte bredadas larvojn de Tenebrio molitor kiel nutraĵo de birdoj kaj reptiloj.

Pasintjanuare EFSA (mallongigo pri la eŭropa aŭtoritato pri nutraĵoprotekto) jam estis konkludinta, ke la larvoj de faruno povas esti manĝata sen danĝero, "en la formoj seka insekto aŭ faruno".

Dek unu aliaj petoj pri surmerkatigo de insektoj estis prezentitaj al EU. EFSA, kun sidejo de Parmo (Italujo) aparte pritraktas tiujn koncernantajn grilojn kaj lokustojn.

Koloseo rekonstruos la arenon kie gladiatoroj kaj bestoj estis interbatalantaj

Skribaĵeto de la 3-a monatotago.
Atentigo pri gramatikaj eraroj bonvenas.

Hieraŭ (dimanĉe, la 2-an) la itala kulturministerio anoncis, ke en 2023 rekonstruos en la Koloseo tiun lokon kie la gladiatoroj estis batalantaj unu la aliajn kaj kontraŭ bestoj.

"Post jaroj da studoj la venka projekto estis anoncita. Ĝi estos renversebla, permesos viziton al la subtera parto, vidadon de la majesta Koloseo el la centro, kaj ĝiaj trajtoj dum multaj jarcentoj ĝis la fino de la 19-a jarcento", skribis sur Tvitero la itala kulturminisitro Dario Franceschini.

Laŭ Vikipedio "La areno mem estis 83 metroj por 48 metroj. Ĝi konsistis el ligna planko kovrita per sablo (la latinaĵo por sablo estas harenna aŭ areno) kovranta kompleksan subteran strukturon nomitan hipogeo (laŭlitere "subteraĵo"). Malmulto nun restas de la origina arenplanko, sed la hipogeo daŭre estas klare videbla. Ĝi konsistis el du-nivela subtera reto de tuneloj kaj kaĝoj sub la areno kie gladiatoroj kaj bestoj estis tenitaj antaŭ konkursoj komenciĝis. Okdek vertikalaj ŝaftoj disponigis tujan aliron al la areno por enkaĝigitaj bestoj kaj scenejeroj kaŝitaj sube; pli grandaj ĉarnirumitaj platformoj, nomitaj hegmata, disponigis aliron por elefantoj kaj similaĵoj. Ĝi estis restrukturita dum multaj okazoj; almenaŭ dek du malsamaj fazoj de konstruo povas esti viditaj."

Premioj valorantaj pli ol 100.000 eŭrojn estos por fotokonkurso pri aventursportoj

Skribaĵeto de la 2-a monatotago.
Atentigo pri gramatikaj eraroj bonvenas.

Ĝis la 31-an de Julio fotistoj amatoraj kaj profesiaj tra la mondo povos aliĝi en la sesa okazigota konkurso "Red Bull Illume", kiu premios la plejn bonajn bildojn pri aventursportoj.

En 2019 tiu evento atingis rekordon kun 59.551 aliĝintoj. Entute la konkurso havas dek apartajn kategoriojn. Por ekscii pri la regularo kaj aliĝo kontrolu la koncernan retpaĝon.

Germanujo venontjare ekredonos al Niĝerio la "Bronzojn de Benino"

Skribaĵeto de la 1-a monatotago.
Atentigo pri gramatikaj eraroj bonvenas.

Lastĵaŭde (la 29-an) la germana registaro anoncis, ke en 2022 planas ekredoni al Niĝerio parton de tiaj historiaj objektoj konataj kiel "Bronzoj de Benino". Tiuj skulptaĵoj estis disrabitaj de la britaj soldatoj dum tiu tempo de koloniado, kaj nun ili estas ekpoziciataj ĉe muzeo en Berlino.

Tiu ago sekvas la tendencon de aliaj landoj, kiuj estas redonantaj al la originaj landoj, la relikvojn disrabitaj dum la kolonia tempo.

La koncernaj eroj estis prenitaj de la brita armeo el la Benina Imperio en 1897. Verdire ili estis faritaj el kupro, sed ne bronzo. Pli ol milo da ili estis ornamantaj la beninaj palacoj. La Benina Imperio (1440–1897) estis antaŭ-kolonia imperio, kun ĉefurbo ĉe Beninurbo nune situanta en Edo Ŝtato kie nun estas Niĝerio. Ne estu konfuzata kun la nuna lando nome Benino, iam nomita Dahomejo.

Premita, viro forlasos insulon, kie li izolite loĝas de pli ol 32 jaroj

Skribaĵeto de la 30-a monatotago.
Atentigo pri gramatikaj eraroj bonvenas.

En 1989 la italo Mauro Morandi, eks-instruisto pri korpekzecado, venis al la insulo Budelli, norde de Sardujo (Italujo). Tiam, li konatiĝis kun la emeritiĝonta insula gardisto, kaj decidis resti tie. Ekde tiam li prizorgas la insulon kaj parolas al la turistoj.

Tamen li spertis multajn minacojn je elloĝejigo laŭlonge de la jaroj. En 2020 la prezidento de la Nacia Parko de La Maddalena,

Fabrizio Fonnesu, diris al la televido CNN, ke Morandi estis efektiviginta kontraŭleĝajn ŝanĝojn en sia kabano, iu antikva radiostacio de tiu tempo de la Dua Mondmilito.

Al la itala registaro oni faris petskribon, kiu kolektis 70.000 subskribojn, celante permeson al la restado de Morandi en la insulo. Malgraŭ tio Morandi anoncis pasintdimanĉe (la 25-an) sian decidon foriri. Al la brita gazeto "The Guardian" li diris, ke transloĝiĝos al malgranda apartamento en najbara insulo de La Maddalena: "Mia vivo ne multe ŝanĝos, mi ankoraŭ rigardos la maron".

Sur fejsbuko li afiŝis: "Mi foriros esperante, ke en la estonteco Badelli estu protektata same kiel mi protektis ĝin dum 32 jaroj".


Nova projekto pri rearbarigo naskos 1,7 miliardojn da arboj

Skribaĵeto de la 29-a monatotago.
Atentigo pri gramatikaj eraroj bonvenas.

Plenumiĝis la unua fazo de ekologia projekto efektivigota ĉe la bordoj de la brazilaj riveroj Aragvajo kaj Tokantinso. Ricevinte la nomon "La Biodiverseca Koridoro de Aragvajo" tiu projekto pri rearbarigo koncernos ses subŝtatoj de la lando kaj ligos la amazonan arbaron kaj la Ceradon, kiu estas la dua plej granda brazila ekoregiono.

Tiu koridoro konsistos el verda vojo 2.600 kilometroj longa kaj 40 kilometroj larĝa. Per specioj de Amazonio kaj Cerado oni planas rearbarigi areon kun unu miliono da hektaroj, kiuj estis degradigitaj kaj senarbarigitaj dum la lastaj kvindek jaroj, kaj por tiu ago oni taksas la neceson de 1,7 miliardoj da arboj.

Tiu ambicia projekto estis disvolvita de la Fondaĵo Black Jaguar, de la nederlanda entreprenisto Ben Valks. Laŭ studoj tiu rearbarigo estigos ekonomian profiton je 21,1 miliaroj da dolaroj en la venontaj kvindek jaroj pro ĝia ligo al sistemoj por agroarbara produktado.

Retejo: www.black-jaguar.org

Kastoroj ronĝis kablojn kaj malutilis al 900 interretuzantoj

Skribaĵeto de la 28-a monatotago.
Atentigo pri gramatikaj eraroj bonvenas.

La telekomunikfirmao Telus raportis, ke al 900 klientoj de urbo en la kanada provinco Brita Kolumbio mankis interretkonekta servo pro tio, ke grupo da kastoroj ronĝis optikfibrajn kablojn. La servo neatende ĉesis frumatene lastsabate (la 24-an), kaj la riparteamo malkovris la faron de la bestoj ĉe diversaj punktoj.

Laŭ retletero de proparolanto de la firmao al CBC News "proksime la teamo trovis digon kaj ŝajne la kastoroj fosinte laŭlonge de la rivereto trafis la kablon, kiu estas subtera je unu metro kaj protektita de tubo." La konektoservo estis tute restarigita dimanĉe posttagmeze.

Seksigo en sporto: la uniformon, kiun gimnastikistoj ekuzas por kontraŭbatali la aferon

Skribaĵeto de la 27-a monatotago.
Atentigo pri gramatikaj eraroj bonvenas.

Ŝi malobeis nenian regulon, tamen defiis la konvenciojn tiu ŝelkpantalono uzata de la germana gimnastikisto Sarah Voss, okaze de la eŭropa ĉampionado de arta gimnastiko. Ĝis tiam, en internaciaj konkursoj atletoj estis kovrintaj la krurojn nur pro religiaj kialoj.

Sarah asertis, ke fieras pri ŝia decido, kaj estis subtenata de la federacio de ŝia lando. Du teamanoj same faris en la sportokonkurso ĉe Bazelo (Svislando), finiĝinta lastdimanĉe (la 25-an).

La germana federacio asertis, ke ili ekprenas sintenon kontraŭ la "seksigo kadre de gimnastiko", kaj la afero iĝis eĉ pli grava por preventi la seksan misuzon.

Eduka skatolo kun kokcineloj estis elpensita de faka paro pri insektoj

Skribaĵeto de la 26-a monatotago.
Atentigo pri gramatikaj eraroj bonvenas.

Celante infanojn loĝantoj de la urbo Paŭlinjo (subŝtato San-Paŭlo, Brazilo) starigis la projekton 'Asas e Cores' (Flugilojn kaj Kolorojn), kiu pri la metamorfozo de la kokcineloj, kaj instigas la soci-median konsciiĝon.

Por amuzmaniere klarigi la biologian disvolviĝon, faka paro pri insektoj lasis la grandajn firmaojn por fondi vendejon pri edukaj skatoloj, kiuj permesas observadi la vivo de la insekton. Guilherme Trivellato kaj Katherine Pérez rakontas, ke tiu ideo venis pro la neceso ion forigi la infanojn el la virtuala mondo kaj instigi ilin al rilato kun la naturmedio.

La skatolo enhavas 15 larvojn, kiuj iĝos plenkreskaj.

Rara flava pingveno estis unuafoje fotita

Skribaĵeto de la 25-a monatotago.
Atentigo pri gramatikaj eraroj bonvenas.

Dum 2-monata ekspedicio ĉe insulo en Sud-Georgio kaj Sud-Sandviĉinsuloj la belga fotisto Yves Adams kaptis decembre 2019 bildojn pri flava pingveno. Nur antaŭnelonge la fotoj aperis sur lia Instagramo.

Laŭ "Live Science", kiu estas novaĵ-retejo pri sciencoj, leŭcismo estas gena mutacio, kiu malaperigas parton de la melanino en besto. En la reĝa pingveno la supra parto de ties brusto, sub la gorĝo, estas tre flavecoranĝa, bordita de nigra linio, kaj flavece nuance al blanko de suba brusto; la dorso estas griza, ĝis la vosto. La melanino, aŭ malhela pigmento, respondecas pri la plej malhelaj plumoj. La pingvenaj pigmentaj anomalioj maloftas.

Travidebla naĝejo kunligas luksajn konstruaĵojn

Skribaĵeto de la 24-a monatotago.
Atentigo pri gramatikaj eraroj bonvenas.

Iu naĝejo farita el travidebla poli(metil)metakrilato (vitroplasto) estis instalita inter du blokoj de apartamentoj en aro de luksaj kontruaĵoj ĉe sudokcidenta Londono. Tiu noviga modelo estis nomata Sky Pool (Ĉiela Naĝejo).

La instalaĵo troviĝas sur la 10-a etaĝo de du konstruaĵoj, en alto da 35 metroj, kaj per ĝi la loĝantoj povas naĝante iri de unu al la alia konstruaĵo. La flankaj muroj el vitroplasto estas 20 cm larĝaj, la tuta strukturo pezas 50 tunojn kaj enhavas 148.000 litrojn da akvo. Ĝi estis produktita en la usona subŝtato Koloradio.

Junulo posedis la domajnon google.com.ar dum kelkaj horoj

Skribaĵeto de la 23-a monatotago.
Atentigo pri gramatikaj eraroj bonvenas.

La retejo de guglo en Argentino malaktiviĝis lastmerkrede vespere (la 21-an). Laŭ la gazeto "Clarín" la okazintaĵo koncernis ŝanĝon ĉe la registro de la domajno "google.com.ar".

Serĉo en la retejo de "NIC Argentina", de la mastrumanta organizo pri tiuj aferoj en tiu lando, estis montranta ŝanĝon en tiu TTT-adreso, kun la nomo Nicolás David Kuroña kiel ĝia posedanto.

En la soci-retejoj Kuroña klarigis, ke vizitinte "nic.ar" rimarkis la haveblecon de "google.com.ar" kaj aĉetis ĝin laŭleĝe.

Laŭ la retejo "InfoBae" la retejo NIC Argentina ankaŭ malaktiviĝis merkrede kaj ĵaŭde, kaj poste la domajno "google.com.ar" estis montrata kun la antaŭa posedanto Guglo. Al la loka gazetaro la firmao Guglo asertis, sen pliaj informoj, ke la problemoj de aliro al tiu TTT estas solvitaj.

Fakuloj atentigas al OMS, ke transsendo de SARS-CoV-2 per aero tute superregas tiun per gutetoj

Skribaĵeto de la 22-a monatotago.
Atentigo pri gramatikaj eraroj bonvenas.

Per artikolo aperigita sur la medicina gazeto The Lancet, ses fakuloj el Unuiĝita Reĝolando, Usono kaj Kanado asertas, ke estas fortaj evidentaĵoj indikantaj, ke tiu viruso SARS-CoV-2, kiu kaŭzas la kovimon, transendiĝas nepre per aera vojo. Gvidis la koncernan analizadon Trish Greenhalgh, de la Universitato de Oksfordo.

"La evidentaĵo, kiu subtnas la transsendon per aero estas nerefutebla, kaj tiu subtenanta la trassendo per gutetoj estas preskaŭ nula. Urĝas, ke la Monda Organizaĵo pri Sano, kaj la ceteraj agentejoj pri publika sano, konformigu al la ŝciencaj evidentaĵoj siajn priskribojn de la transsendo, por ke la agado koncentriĝu en la reduktigo de la aera transmisio", diras José-Luis Jiménez, kiu estas unu el la subskribintoj de la artikolo, kaj kemiisto ĉe la Universitato de Koloradio en Boulder.

La silenta transsendado de la viruso per sensimptomaj malsanuloj konsistas el la ĉefa pravigo por disvastigo de kovimo tra la mondo.

Elon Musk neas, ke mortiga akcidento okazis kun Tesla funkcianta per aŭtomata piloto

Skribaĵeto de la 21-a monatotago.
Atentigo pri gramatikaj eraroj bonvenas.

Pasintsabate (la 17-an) akcidento kun aŭtomobilo Tesla modelo Model S 2019 mortigis du virojn en la usona subŝtato Teksaso. Tieaj aŭtoritatoj pensas, ke tiam la aŭtomobilo estis stirata de aŭtomata piloto, ĉar neniu estis trovinta en la ŝofora seĝo. La polico raportis al la gazetaro, ke je la 23-a horo la veturilo estis rapidege trapasanta aŭtovojon, lasis ĝin ĉe sinuo, trafis kontraŭ arbon kaj flamiĝis.

Antaŭhieraŭ (la 19-an) Elon Musk reagis pri tiu okazintaĵo. Per Tvitero li asertis, ke la informoj reakiritaj indikas, ke tiu sistemo pri aŭtomata piloto ne estis ŝaltita momente de la akcidento, kaj la proprietulo ne estis aĉetinta tiun "Full Self Driving (FSD)", kiu donas pli aŭtonomecon al la veturilo. Eĉ se tiuj rimedoj estis tiam agantaj, la ĉeesto de persono ĉe la ŝofora seĝo estus deviga.

Junuloj resaniĝintaj je kovimo ricevos po 5.000 pundojn por denove infektiĝi je SARS-CoV-2

Skribaĵeto de la 20-a monatotago.
Atentigo pri gramatikaj eraroj bonvenas.

Esploro farota de la Universitato de Oksfordo volas malkovri kiom da kronviruso SARS-CoV-2 necesas por infekti personon, kiu jam spertis kovimon, por la celo helpi disvolvi "la imunecon protektantan kontaŭ la malsano", konigis la televid-kanalo Sky News.

Laŭ tiu raporto, kiu volonte reinfektiĝi, tiu ricevos 5.000 pundoj. La respondeculoj informis, ke en tiu studo estos partoprenontoj 18-30 jaraĝaj "reekspoziciitaj al la viruso en sekura kaj kontrolata medio". Ili kvarantenis dum 17 tagoj kun kontrolado de fakuloj en malsanulejo, por forigi ajnan riskon al ili, kaj por eviti infekton de aliaj personoj.

Laŭ rezulto de esploro aperinta antaŭnelonge sur la revuo "The Lancet Respiratory Medicine", junuloj spertintaj kovimon ne estas tute protektitaj kontraŭ tiu malsano. Kaj en Usono, la rezulto de alia studo montris, ke 10% de la resaniĝintoj denove estis infektitaj de SARS-CoV-2.

Jam eblas aĉeti antaŭfaritan domon ĉe Aliexpress

Skribaĵeto de la 19-a monatotago.
Atentigo pri gramatikaj eraroj bonvenas.

Nuntempe oni povas trovi multegajn produktojojn, kiel etan eron kaj eĉ domon, pere de la serĉilo de Aliexpress, tiu ĉina retvendejo, kiu kunigas vendantojn kaj aĉetantojn de varojn.

Tiu retejo prezentas du modelojn, kun similaj trajtoj: konstruaĵo farita el ŝtalo kaj lignaj traboj, pin-paneloj, varmoizolado per mineral-lano, baroj kontraŭ humido ĉe la planko, muroj kaj plafono, longo je 6m kaj larĝo je 2,55m kaj interna areo da 22,5 m2. La prezo estas ĉirkaŭ 52.732 eŭroj, kaj la limtempo por livero estas 45 labortagoj.

La modeloj estas Tinyhouse (ruĝa domo) kaj Mini Prefab House.

Monda tago de desegnistoj

Skribaĵeto de la 18-a monatotago.
Atentigo pri gramatikaj eraroj bonvenas.

La monda tago de desegnistoj estas festata la 15-an de aprilo, kaj kreita omaĝe al iu el tiuj plej gravaj desegnistoj en la historio: Leonardo da Vinci, kiu naskiĝis en tiu tago de la jaro 1452-a en Anchiano ĉe Vinci, Italujo.

Malgraŭ la nuntempa regado de la ciferecaj aĵoj, desegno daŭre elstariĝas, logante junulojn per komunumoj kiel "Urban Sketchers" (USk), tiu tutmonda komunumo de artistoj, kiuj ekzercas desegnadon en urboj kaj vilaĝoj, en kiuj ili loĝas aŭ vizitas. La movado Urban Sketchers komencis en 2007 fare de la ĵurnalisto Gabriel Campanario ĉe Flickr (usona servo pri bildigado kaj filmoj, kaj ankaŭ interreta komunumo). La devizo de USk estas "Ni montras al la mondo, unu desegnaĵo siavice!"

Bierfarejo serĉas hundon, kiu gajnos 20.000 dolarojn por gustumi bieron

Skribaĵeto de la 17-a monatotago.
Atentigo pri gramatikaj eraroj bonvenas.

Lastmarde (la 13-an) la usona bierfarejo Busch Beer anoncis sur Tvitero konkurson por trovi hundon, kiu estos enpostenigita kiel gustumisto de la novaj bieroj elpensitaj por dorlotbestoj. Tiu marko surmerkatigis pasintsomere la trinkaĵon Dog Brew, sen alkoholo, taŭga por hundoj, farita el porkostoj, maizo, celerio, bazilio, mento kaj zingibro.

Al la venkinto krom provojn pri gusto kaj kontrolkvaliton ankaŭ koncernos roli kiel "ambasadoro de la marko" kaj partopreni reliefajn enhavojn en la kanaloj de Busch ĉe la soci-retejoj. La afero havas monkompenson: 20.000 dolaroj per ĉeko, 800 dolaroj per karto por malsanokosta asekuro, kaj dek krad-kestoj da Busch Dog Brew (en akcioj).

Kanado inaŭguros sian plej altan ponton por piedirantoj

Skribaĵeto de la 16-a monatotago.
Atentigo pri gramatikaj eraroj bonvenas.

En Vankuvero, la 70 metroj alta Ponto Kapilano, kiu estas inter tiuj plej famaj vidindaĵoj ĉe naturmedio en Kanado, baldaŭ spertos seriozan konkuranton. Temas pri la ponto Golden Skybridge, 260 km for de la urbo Kalgario en la provinco Alberto, okcidente de la lando. Kiam venontmaje ĝi estis malfermita, tiam ĝi iĝos oficiale la plej alta ponto por piedirantoj en la lando.

Golden Skybridge vere konsistas el du pontoj, la unua en alto 130 m, super la dua, en alto 80 m. Meze de la montaroj Columbia kaj Rocky Mountain, la pontoj kaj la tieaj padoj ili formas 3-kilometran itineron. laŭlonge de la vojo troviĝas la tiel nomataj “viewing platforms”, kiuj estas ejoj por la homoj rigardi la pejzaĝon.

Havu luksan verpermanĝon ĉe parkata aviadilo kontraŭ 59.800 enoj

Skribaĵeto de la 15-a monatotago.
Atentigo pri gramatikaj eraroj bonvenas.

ANA (All Nippon Airways), tiu plej granda japana flugkompanio, ekofertis luksajn verpermanĝojn ĉe parkataj aviadiloj en la flufhaveno Haneda en Tokio. Temas pri klopodo por superi la krizon atingantan la aviada sektoro tutmonde, kaj ĝi provas repliki la sukceson, kiu alia flugfirmao en Singapuro spertis per simila ago.

ANA proponas du prezojn por la servo al la klientoj: tiu unua klaso, kontraŭ 59.800 enoj kaj tiu komerca klaso, kontraŭ 29.800. Oni antaŭece elektu la preferatan menuon, ĉu la japana, ĉu la internacia. Jam okazis inaŭguro de tia evento, tagmanĝo kaj vespermanĝo, kun po 60 invititoj. La plano antaŭvidas por aprilo la aranĝon de 22 tagmanĝoj kaj vespermanĝoj kun tempodaŭro po 3 horoj.

La plej granda kuniklo de la mondo malaperis

Skribaĵeto de la 14-a monatotago.
Atentigo pri gramatikaj eraroj bonvenas.

La brita polico informis hieraŭ (marde, la 13-an), ke enketas pri la malapero de Dario, kiu estas "la plej granda kuniklo de la mondo", kaj estas malaperinta ekde la lasta semajnfino. La enketistoj kredas, ke tiu kuniklego, kiu estas 1,29 metroj longa, estis ŝtelita el la korto de ĝia posedanto en la angla vilaĝo Stoulton.

Annette Edwards, kiu prizorgas la beston, ofertas 2.000 pundojn kiel rekompencon al tiu, kiu trovi kaj redoni ŝian dorlotbeston. Tio estas ĉirkaŭ 2.300 eŭroj. Ŝi estas 68-jaraĝa eks-modelo de la usona virmagazino Playboy, kaj diris intervjue al la gazeto The Daily Telegraph: "Ĉiu besto estas ne anstataŭigebla individuo".

Dario apartenas al la raso "kontinenta giganto", aŭ "germana giganto", kaj en 2010 ĝi ricevis de Guinness-libro de rekordoj la titolon pri "la plej granda vivanta kuniklo".

La firmao pri tuneloj de Elon Musk malfermis la unuan linion en Las-Vegaso

Skribaĵeto de la 13-a monatotago.
Atentigo pri gramatikaj eraroj bonvenas.

Lastĵaŭde (la 8-an) ĉe Vegas Convention Center (LVCC) en Usono tiu firmao Boring Company, de la miliardulo Elon Musk, inaŭguris la unuan linion kadre de projekto pri subteraj tuneloj, kiuj provos mildigi la trafikŝtopiĝojn en grandaj urboj.

Temas pri du paralelaj tuneloj po 2,7-kilometra, kun du stacioj (komenco kaj fino) kaj unu subtera. Estas 62 elektraj veturiloj de la firmao Tesla por tiu sistemo. La rapido de la veturado atingas 56 km/h, kaj la pravigo por vendi tiun sistemon estas ekzemple, ke 45-minuta piedirado tra la tereno de tiu eventeja centro povas esti anstataŭigita de 2-minuta vojaĝo.

Mick Akers, de la gazeto Review Journal, sur Tvitero faris afiŝojn pri tiu sistemo, kiu ŝajne ne kontentigis lin. Jen koncerna filmeto: youtu.be/Usn4whRkCp0

Hieraŭ en Moskvo: post 120 jaroj venis la fino por vendejo aperinta en tiu tempo de la caroj

Skribaĵeto de la 12-a monatotago.
Atentigo pri gramatikaj eraroj bonvenas.

Historia nutraĵ-vendejo fermis hieraŭ (dimanĉe, la 11-an) en la centro de Moskvo, la rusa regurbo, post pli ol cent jaroj da funkciado. Pravigas la finon de tiu komerco la falo de la turisma sektoro kaŭzita de la nuna pandemio, krom leĝaj aferoj.

Temas pri Eliseevsky, kiu mafermis sojle de la 20-a jarcento, kaj daŭris funkcianta eĉ en tiu tempo de Sovetunio. Ĝi estas konata pro ĝia inteno aspektanta kiel novbaroka palaco kaj ĝia diverseco pri rafinitaj manĝaĵoj kaj memoraĵoj.

"Ĉi tie estas loko por aĉeti iom da manĝo, sed ne nur. Ĝi estas simbolo de la urbo, kaj mi ofte venis ĉi tien por miri antaŭ la interno. Mi bedaŭras, ke ne plu eblos fari tion", diris al la novaĵagentejo Reuters la moskvanino Yelena Bakhtina dum aĉetado tie.

Fulmo mortigis 68 kaprojn

Skribaĵeto de la 11-a monatotago.
Atentigo pri gramatikaj eraroj bonvenas.

Vendrede la 9-an je la 3-a posttagmeze en la portugala urbo Arcos de Valdevez fulmo mortigis 68 kaprojn. Tiam la bestoj estis pastiĝantaj ĉe monto. La paŝtisto Dario Gonçalves de Lima (53-jaraĝa) miregis: "De 40 jaroj laboranta ĉe montaro mi neniam antaŭe estis spertinta tion".

"Kiam mi estis telefonanta, tiam mi aŭdis du tondrojn, rimarkis flamon ĉe arbareto, apude mi vidis du kaprojn ŝancel-paŝajn, kaj turniĝante al alia flanko mi ekvidis multajn aliajn kuŝantajn surgrunde", raportis Dario al la gazeto "O Minho."

"Ili ne prezentis eksterajn vundojn, sed rompiĝis interne. La fajro estingiĝis tuj poste, pro la pluvo. Mi preferus perdi 5.000 eŭrojn ol tiuj kaproj. Estas malmultaj junaj kaproj por aĉeti, kaj ili multekostegas: po 80-100 eŭroj, ĉar temas pri antikva raso. Ĉirkaŭ 10 idoj iĝis orfoj kaj mortos pro tio, ke ili rifuzas suĉbotelon".

Urbo malaperinta en la sablo antaŭ 3.000 jaroj estis malkovrita

Skribaĵeto de la 10-a monatotago.
Atentigo pri gramatikaj eraroj bonvenas.

Arkeologoj malkaŝis hieraŭ (vendrede, la 9-an) la malkovron en Egiptujo de urbo, kiu estis konstruita de pli ol 3.400 jaroj, en tiu tempo de la regado de la faranono Amenhotep la 3-a, de la dekoka egipta dinastio.

La elfosadoj okazis ĉe la okcidenta bordo de la urbo Luksoro, proksime de la templo de la faraono Ramseso la 2-a kaj la Valo de la Reĝoj, kiu estas nekropolo de antikva Egiptujo. La teamo estis gvidata de la egipta arkeologo Zahi Hawass.

Peter Lacovara, kiu estas direktoro de la Fonduso por Arkeologio kaj Heredaĵo de Antikva Egptujo, kun sidejo en Usono asertas, ke tiu estas tre grava malkovro: "Tio estas kvazaŭ Egipta Pompejo, kaj indikas la neceson konservi tiun areon kiel arkeologian parkon".

Post 28 jaroj virino fortranĉis 73-centimetrajn ungojn

Skribaĵeto de la 9-a monatotago.
Atentigo pri gramatikaj eraroj bonvenas.

La usonanino Ayanna Williams, kiu estis agnoskita de Guinness-libro de rekordoj ekde 2017 kiel tiu virino posedanta la plej longajn ungojn tutmonde, ĵus adiaŭis al 73,355 centimetroj da keratino, kiu okulfrape estis rimarkeblaj en la pinto de ĉiu ŝia fingro. Ŝi fortranĉis siajn ungojn unuafoje ekde 1990.

La ungoj estis lastfoje mezuritaj kaj sekve fortranĉitaj en la lasta semajnfino, ĉe iu dermatologia centro de la urbo Forth Worth, de la usona subŝtato Teksaso. La afero postulis la uzon de elektra turniĝanta ilo. La virino nun feliĉegas pro tio, ke ŝiaj ungoj estos konservataj kaj ekspoziciataj ĉe la muzeo "Ripley's Believe or Not!" en la urbo Orlando, subŝtato Florido.

Jen koncerna filmeto: youtu.be/547r3_f8Pb4

Jen la plej dika arbo de la mondo

Skribaĵeto de la 8-a monatotago.
Atentigo pri gramatikaj eraroj bonvenas.

En la centro de la urbo Santa María del Tule, de la meksika subŝtato Oaĥako, troviĝas la vidindaĵo konata kiel la arbo de Tule. Temas pri taksodiospecio (Taxodium macronatum), kiu havas la trunkan perimetron de 58 metroj, pro kio ĝi estas la arbo kun plej dika trunko en la tuta mondo. Ĝi havas la diametron da 14 metroj, alton da 41 metroj, kaj la botanikistoj pensas, ke ĝi aĝas 1430-1600 jarojn.

Laŭ Vikipedio tia arbo, ankaŭ nomata "Meksika Cipreso", "Cipreso de Moktezumo" kaj "Ahuehuete-arbo" (Taxodium mucronatum) estas ekde 1921 la meksika nacia arbo. La nomo signifas "praa arbo proksime de la akvo" en la naŭatla lingvo. En tiu lando troviĝas multaj famaj arboj el tiu specio.

Yahoo-Respondoj malaperos venontmaje

Skribaĵeto de la 7-a monatotago.
Atentigo pri gramatikaj eraroj bonvenas.

Laŭ komunikaĵo aperinta antaŭhieraŭ (lunde, la 5-an) supre de la retpaĝo "Yahoo-Respondoj", je la 4-a de majo 2021 tiu servo ne plu haveblos. Cetere, ekde la 20-an de aprilo la uzanto ne povos afiŝi novajn demandojn kaj respondojn tie. Kaj la 30-an de junio estos la limdato por la uzanto elŝuti sian enhavon.

Yahoo-Respondoj aperis en 2005 kaj arigis milionojn da demandoj de interretuzantoj ŝerĉantaj solvojn por problemaj informadikaj, personrilataj, lernejaj kaj eĉ filozofiaj, tamen la servo iĝis malpli reliefa lastatempe. La kvanto pri falsaj informoj kaj konspiraj teorioj aperintaj en tiu retejo helpis malplibonigi la reputacion de la platformo. Yahoo asertas, ke volas investi en "fida altkvalita enhavo".