Votuporangano

* Paulo Cesar Pires *
Votuporanga-SP (Brazilo)
UTC -3

votuporangano@gmail.com

118-jaraĝulino partoprenos la alternigon je torĉoportantoj de la olimpika flamo

Skribaĵeto de la 6-a monatotago.
Atentigo pri gramatikaj eraroj bonvenas.

Laŭ informoj fare hieraŭ (vendrede, la 5-an), de la organizanta komitato pri la olimpiaj ludoj, la japana virino Kane Tanaka estos unu el tiuj, kiuj kunportos la olimpika torĉo. La alternigo de torĉoportantoj komencos la 25-an ĉi-monate kaj ŝi, kiu estas agnoskata de Guinness-libro de rekordoj kiel la plej aĝa homo de la mondo, portos la flamon je la 11-a de majo, kiam la torĉo-irado atingos la urbon Shime, en la de provinco Fukuoka, kie ŝi loĝas.

Kane Tanaka estas preskaŭ tiom aĝa kiel la olimpiaj ludoj de la moderna erao. Ŝi spertis malsaniĝon pri kancero (du foje), du pandemiojn (pri "hispana gripo" kaj kovimo) kaj du mondmilitojn. Ŝi ŝategas refreŝigaĵojn, kaj ĵus gajnis el sia familio novan sportoŝuojn por la evento.

Amazon ŝanĝis sian markemblemon post ties komparo kun la lipharoj de Hitlero

Skribaĵeto de la 5-a monatotago.
Atentigo pri gramatikaj eraroj bonvenas.

La firmao Amazon ŝanĝis unu el siaj markemblemoj post ke la koncerna bildo estis komparita kun la lipharoj de Adolph Hitler. Laŭ la ĵurnalo New York Post, la nova emblemo por ĝia aplikaĵo estis enkondukita en la pasinta januaro por anstataŭigi tiun pri aĉetoĉareto.

La nova emblemo konsistas el bruna liverskatolo kun bildoj de la Amazon-rideto stampita meze de ĝi, kaj blua rubando supre. En la origina bildo la rubando estis desegnita kun dentaĵoj, kaj multoj komparis ĝin al la lipharoj de la nazia eks-gvidanto.

Post tiu reago la rubando estis modifita kaj nun ĝi rektiĝas kaj havas falditan parton. Ne aperis oficiala komunikaĵo de Amazon pri la kialo, kiu pravigis tiun ŝangon de bildoj.

Virino faras artaĵojn ĉefe per nutraĵoj

Skribaĵeto de la 4-a monatotago.
Atentigo pri gramatikaj eraroj bonvenas.

Per diverseco de ingrediencoj Helga Stentzek, kiu estas rusino loĝanta en Londono, kreas artaĵojn bestoformajn, sed ne nur. Ŝia "bestoĝardeno" havas brasiko-hundon, frenezajn ursojn kaj idojn.

Ŝi afiŝas la koncernajn bildojn sur Instagramo (helga.stentzel), kaj tie krom bestoj oni rimarkas artaĵojn kiel panrostilon (farita el pano), krajonon (el suŝio) kaj Ĥoro el avokadoj kun direktoro el poreo.

Knabo 8-jaraĝa ricevis 33 mil dolarojn kaj iĝis profesia Fortnite-ludisto

Skribaĵeto de la 3-a monatotago.
Atentigo pri gramatikaj eraroj bonvenas.

La plejmulto de la infanoj festas sian 8-jariĝon blovante kandelojn. Tiurilate la usonano Joseph Deen, krome, blovis la inkon de kontrakto pri ludado de la interreta videoludo Fortnite, iĝante tiamaniere la dua plej juna profesia videoludisto, ke oni konas.

Decembre 2020 li estis invitita partopreni la teamon "Team 33", de Kalifornio, Usono. Tiamaniere li ricevis 33.000 dolarojn kaj komputilon kun altan rapidecon. Li ankaŭ povos trejni ĉe la sidejo de Team 33 en Holivudo.

Preskaŭ 300 knabinoj forkaptitaj el lernejo estis liberigitaj

Skribaĵeto de la 2-a monatotago.
Atentigo pri gramatikaj eraroj bonvenas.

En la afrika lando Niĝerio tiuj 279 lernejaninoj kidnapitaj lastvendrede (la 26-an de februaro), el kolegio de Jangebe, estis liberigitaj kaj troviĝas ĉe la aŭtoritatoj, laŭ anoncis hodiaŭ (marde, la 2-an de marto) Bello Matawalle, la guberniestro de la subŝtato Zamfara.

Per diversaj busetoj la lacaj junulinoj alvenis en la subŝtatan regurbon Gusau, ili estis arigitaj en aŭditorio, ricevis purajn vestaĵojn kaj hiĝabon (kaptuko kiu kovras la hararon kaj la kolon de islamana virino) bluan.

Tiu estis la kvara simila atako en limtempo da tri monatoj nordokcidente de la lando. Laŭ la aŭtoritatoj oni ne donis elaĉetan monon, tamen fakuloj pri sekureco ne kredas tion kaj timas, ke tiu sinteno stimulu la homforkaptojn en nesekuraj regionoj, atingitaj de malriĉego. La krimaj grupoj allogas pli kaj pli senlaboraj junuloj kaj kelkaj el ili havas centojn da batalantoj.

Francisko ne volas reveni Argentinen, okaze de lia emeriteco

Skribaĵeto de la 1-a monatotago.
Atentigo pri gramatikaj eraroj bonvenas.

La argentina kuracisto kaj ĵurnalisto Nelson Castro baldaŭ aperigos libron kun la titolo "La sano de papoj" kaj subtitolo "medicino, komploto kaj fido", kiu inluzivas intervjuon kun la nuna papo Francisko, kiu naskiĝis kaj vivis en Argentino. Iom pri ĝi jam estis konigita de la gazetaro en tiu lando.

Per milda interparolo Nelson Castro pritraktis diversajn aferojn koncerne al la sano de Jorge Mario Bergoglio, ekde tiu serioza pulma problemo en junaĝo ĝis malsanoj, kiuj li spertis en veziketo kaj koro. Reliefa estas la jeno, pri morto:

— Ĉu vi pensas pri via morto?

— Jes.

— Ĉu vi timas ĝin?

— Neniel.

— Kiel vi imagas vian morton?

— Kiel papo, ĉu funkcianta, ĉu emerita. Ĉi tie, en Romo. Mi ne revenos al Argentino.

Francoj volas, ke la bastonpano iĝu nemateria heredaĵo

Skribaĵeto de la 28-a monatotago.
Atentigo pri gramatikaj eraroj bonvenas.

La Franca Konfederacio de Bakistoj faris al UNESKO peton, ke ĝi deklaru la tradiciajn bastonpanojn (france baguette) kiel nemateria heredaĵo, kun celo protekti la aferon el ĉiuj instrustriaj variaĵoj tiurilate. Franca registara dekreto de 1993 determinas, ke la "tradiciaj" bastonpanoj nepre estu farita el la kvar kutimaj ingrediencoj, kaj la masa fermentado longedaŭru 15-20 horojn je temperaturo 4-6 celsiaj gradoj.

Ĉirkaŭ po ses milionoj da bastonpanoj estas vendataj en la lando ĉiutage, tamen la prezidanto de la konfederacio de bakistoj Dominique Anract asertas, ke la koncerna kultura kutimo estas minacata, kaj ĉirkaŭ 30.000 panbakejoj malaperis ekde 1950 pro tio, ke la superbazaroj prenis la kontrolon de tiu sektoro.

Nun la simbolo de la franca kulturo kandidatiĝas, ke ĝi estu akceptita de UNESKO kiel nemateria heredaĵo de la homaro, kaj la decido estos konata fine de marto.

Porcelana objekto aĉetita kontraŭ 35 dolaroj povos aŭkcie atingi ĝis USD 500.000

Skribaĵeto de la 27-a monatotago.
Atentigo pri gramatikaj eraroj bonvenas.

La aŭkcia firmao Sothebys's de Nov-Jorko (Usono) vendos kontraŭ 300-500 mil dolaroj ĉinan bovlon, kiun oni aĉetis en vendado de garaĝo kontraŭ nur 35 dolaroj en la urbo New Haven, de la usona subŝtato Konektikuto.

Sothebys's ne malkaŝas tiun, kiu vendas la bovlon. Post aĉeti ĝin li konsultis fakulojn, kiuj taksis la objekto kiel historie grava: ĝi estas raraĵo produktita dum la dinastio Ming, kiu regis en Ĉinujo en la 15-a jarcento.

La porcelano estis analizita kaj oni determinis, ke ĝi apartenis al iu kortegano de la Imperiestro Jongle, inter la jaroj 1403 e 1424. En tiu tempo la imperio atente kontroladis la produktadon de la ĉina ceramiko.

Malmultaj ekzempleroj restas. Oni scias pri ses el ili ĉe privataj kolektoj, krom kelkaj eroj en muzeoj de Tajvano kaj Unuiĝinta Reĝlando. La aŭkcio okazos je la 17-a de marto.

35 kilogramoj da lano estis tondita al ŝafo

Skribaĵeto de la 26-a monatotago.
Atentigo pri gramatikaj eraroj bonvenas.

En Aŭstralio la ŝafo Baarack sian unuan tondadon, perdante 35 kilogramojn da lano. Ĝi estis trovita ĉe arbareto en la subŝtato Viktorio kaj sendita al besta rifuĝejo norde de Melburno, laŭ informis komence de ĉi tiu monato en Fejsbuko la asocio prizorganta ĝin.

"Mi ne estis kredinta, ke ŝafo ja estis vivanta sub tiom da lano", al la televidkanalo Nine News asertis Pam Ahern, la fondinto de Edgar's Mission Farm Sanctuary.

Laŭ ŝi, Baarack "estis juna ŝafo, kiu perdiĝis kaj neniam estis reveninta", kaj tio pravigas la mankon al ĝi de tondado dum preskaŭ kvin jaroj. Tamen ĝi ne superis la mondan rekordon, apartenantan al ĝia jam mortinta samlandano Chris, kiu famiĝis en 2015 pro hararo peza je preskaŭ 41 kilogramoj.

Subakvisto estigas novan mondan rekordon pri sub-glacia naĝo

Skribaĵeto de la 25-a monatotago.
Atentigo pri gramatikaj eraroj bonvenas.

Lastmarde (la 23-an) la 38-jaraĝa ĉeĥa libera subakvisto David Vencl superis la ĝis tiam mondan rekordon de 76 metroj, pri sub-glacia naĝo, fare de Stig Avall Severinsen, el Danujo , outubre 2017 en Gronlando. Surhavante nur ban-kalsonon David moviĝis 81 metrojn ene de la malvarmegaj akvoj de frosrigita lago.

Pro la pandemio de kovimo, kiu kaŭzas malfacilojn je internaciaj vojaĝoj, David ne povis provi la aferon en la sama loko de Stig, tial li plenumis tiun mergiĝon tra truo borita en 30-centimetra tavolo da glacio sur frostigita lago de Aŭstrujo, en antikva ŝton-minejo de Lahost, 100 kilometrojn nordokcidente de Prago, la ĉeĥa regurbo.

La plej granda neĝolabirinto de la mondo preskaŭ duobliĝis, pro zorgo je kovimo

Skribaĵeto de la 24-a monatotago.
Atentigo pri gramatikaj eraroj bonvenas.

La neĝolabirinto “Maze in Corn”, kreita en la kanada provinco Manitobo, agnoskita de Guinness-libro de rekordoj en 2019 kiel tia plejgranda tutmonde, estas nun 91% pli granda: 73m x 73m.

"Pro la kovimo kaj cetere, ni volis pligrandigi ĝin. Tial ĉijare la labirinto estas ĉirkaŭ 91% pli granda ol tiu de la titolo, kiu ni jam posedas", asertis la kunproprietulino Angie Masse.

Laŭ la retejo CTV News tiu labirinto postulis ses semajnojn por ties starigo kaj funkcios ĝis marto, depende de la veterkondiĉoj. La grupoj de vizitantoj estu maksimuma 5-membra kaj ĉiuj nepre surhavu vizaĝmaskon.


Rifuĝejo kun sunenergio utilas al senhejmuloj vintre

Skribaĵeto de la 23-a monatotago.
Atentigo pri gramatikaj eraroj bonvenas.

Ulmer Nest estas socikonscia arĥitekturprojekto disvolvata de interfaka teamo da ses homoj. Temas pri ligna kapsulo, kiu utilas kiel kriza rifuĝejo por proteki tiun, kiu ne kalkulas je hejmo en tempo de severa vintro. Du tiaj prototipoj jam estis instalitaj en la germana urbo Ulm.

Tiu kapsulo estis elpensita ne por anstataŭigi tiajn ordinarajn rifuĝejojn al la nefavorata loĝantaro, sed por utili al tiu, kiu pro ajna kialo ne povas resti en regularaj rifuĝejoj. Ĝi estas priskribita kiel ia "lasta rimedo".

Laŭ esploro estas kelkaj kialoj pravigantaj la bezono de individuaj rifuĝejoj por kelkaj homoj. Aperinta en la tiea antaŭa vintro, Ulmer Nest estas koncepto dilvolvita de Patrick Kaczmarek, Florian Geiselhart, Falko Pross, Manuel Schall, Dirk Bayer e Kathrin Uhlig.

Mortis la kreinto de la Taŭro de Wall Street

Skribaĵeto de la 22-a monatotago.
Atentigo pri gramatikaj eraroj bonvenas.

Frumatene de la lasta sabato (la 20-an), siahejme kaj en sia naskiĝurbo (Vittoria, Sicilio, Italujo) mortis en la aĝo 80 jaroj Arturo di Modica, la aŭtoro de la fama skulptaĵo "Taŭro de Wall Street", troviĝanta en Nov-Jorko (Usono), kie li loĝis dum 40 jaroj. Li estis multe malsana, kontraŭbatalanta kanceron.

Charging Bull (foje nomita la Taŭro de Wall Street aŭ la Taŭro de Bowling Green) estas 3,2 tunoj peza bronzskulptaĵo kiu staras en Bowling Green parko proksime de Wall Street en Nov-Jorko. Di Modica ĝin instalis nokte, sen antaŭa permeso, je la 16-a de decembro de 1989. La laborkosto de 360.000 dolaroj estis pagata el la propra mono de la artisto.

La skulptaĵo estas populara turisma celo. Di Modica instalis similan version de la Charging Bull en Ŝanhajo, Ĉinujo, en majo 2010.

Kuracistoj sugestis al Burt Ward malgrandigi sian penison por roli kiel Robin

Skribaĵeto de la 21-a monatotago.
Atentigo pri gramatikaj eraroj bonvenas.

Batman (Vespertulo) estas televidserio de la 1960-aj jaroj en Usono. En ĝi ĉefrolas Adam West (kiel Batman kaj Bruce Wayne) kaj Burt Ward (kiel Dick kiel Grayson kaj Robin) - du krimaj batalantaj herooj kiuj defendas urbon Gotham City de krimuloj.

La retejo Microsoft News raportis, ke intervjue al la retejo Page Six Burt Ward , nun 74-jaraĝa, rakontis pri la polemikon atingintan lin tiam: la volumeno ĉe la virkalsono de la fikciulo Robin kaŭzis problemon al la produktoroj, kiuj estis kritikitaj de konservativaj religiuloj pro ekspozicio de supoza avantaĝa peniso de la aktoro. Krome Ward diris, pri la fikciulo Batman, ke oni bezonis enmeti tukojn ĉe lia virkalsono de Adam West (1928-2017) por altigi la volumenon.

Ward asertis, ke la kuracistoj eĉ donis al li kuracilojn por redukti la penison: "Mi obeis tion tri tagojn, kaj decidis rezigini ilin pro timo je problemoj al mi por generi idojn" Kiel solvo mi ekuzis la mantelon por min kovri."

Konjako de 1777 estis vendita kontraŭ 40.500 britaj pundoj

Skribaĵeto de la 20-a monatotago.
Atentigo pri gramatikaj eraroj bonvenas.

La 9-an ĉi-monate en la brita retejo Whisky.Auction unu boteto da konjako (centre de la supra bildo), farita em la jaro 1777, estis vendita kontraŭ £ 40.500, kadre de reta aŭkcio pri alkoĥolaĵoj. Tiu distilaĵo estis produktita de la bieno Yvon, proksime al la sudokcidenta franca urbo Cognac, en tiu tempo de la reĝo Ludoviko la 16-a.

Tiu konjako restis 100 jarojn ĉe kverka barelo, poste ĝi estis translokigitata al botelego, kaj enboteligita en 1936. Ĝi apartenis al la persona kolekto de la brito Jacques Hardy, kiu estis posedanto de unu el la plej famaj markoj de konjako de la mondo, tiu "Hardy Cognacs". Li forpasis en 2015 je la aĝo 83 jaroj. En tiu aŭkcio aliaj kvin boteloj de tiu kolekto estis individue venditaj, enspezante entute £ 49.600. Ili datiĝas el la jaroj 1802, 1812, 1856, 1906 kaj 1914.

Krokodilo trapasis kirurgion por forigo de ŝuo el ĝia stomako

Skribaĵeto de la 19-a monatotago.
Atentigo pri gramatikaj eraroj bonvenas.

En la usona subŝtato Florido la krokodilo Anuket bezonis kirurgion por forigo de ŝuo el ĝia stomako. La ŝuo englutita de la reptilio estis falinta el la piedo de viro, kiu estis kavazaŭ telferinta (mi ne trovis la ĝustan vorton pri tia aventura sporto deveninta el la aŭstria regiono Tirolo), aere trapasinta super la bestoĝardeno St. Augustine Alligator Farm Zoological Park.

Je la 5-a ĉi-monate oni venigis la krokodilon al la Universitato pri Bestokuracado de Florido, kaj la bestokuracistoj raportis, ke ĝi unue estis vominta la ŝuon, tamen ĝi denove englutis ĝin poste. Anuket, kiu estas pli ol sep metroj longa kaj 155 kilogramoj peza, postkirurgia ununokta observado revenis al la bestoĝardeno kaj bonfartas.

Sciencistoj klarigis tiujn misterajn kraterojn de Siberio

Skribaĵeto de la 18-a monatotago.
Atentigo pri gramatikaj eraroj bonvenas.

Pasintsemajne sur la revuo "Geosciences" rusaj sciencistoj aperigis artikolon, kiu prezentas la rezultojn de estudo pri la fenomeno de tiuj grandegaj krateroj de Siberio. Ekde 2013 ĝis nun oni trovis 17 grandajn kraterojn en la duoninsuloj Jamalo kaj Gidano, ĉe la Arkta Oceano.

La fenomeno konsistas el povaj eksplodoj je metana gaso forĵetanta glacion kaj stonon al centoj da metroj, estigante rondajn "cikatrojn" ĉe la mistera kaj malplena pejzaĝo de tiu regiono, taksata kiel unu el tiaj plej negastamaj en la mondo.

Oni kredas, ke la fenomeno koncernas la klimatoŝanĝon. Unuafoje la sciencistoj sukcesis, aŭguste pasintjare, sendi flugroboton ĝis 15 metroj sub la grunda nivelo ene de unu kratero, precize tiu lasta malkovrita, kaj kapti bildojn pri la formo de la subtera cavo, kie la metano akumuliĝis. 3D-modeligo kaj artefarita intelekto utilis en tiu studo.

Kato protektis infanojn el serpento, tamen ĝi mortis pro tio

Skribaĵeto de la 17-a monatotago.
Atentigo pri gramatikaj eraroj bonvenas.

En la subŝtato Kvinslando, de Aŭstralio, kiam la kato nomita Arthur estis ludanta kun la infanoj de sia mastro en la ĝardeno, tiam ĝi rimarkis serpenton. Antaŭ ol la reptilio alproksimiĝi, kaj iĝi minaco al la infanoj, la feliso atakis la serpenton. Arthur sukcesis je la senmovigo de la serpento, kiu tamen mordis ĝin.

Tiu rakonto estis afiŝita sur la fejsbukpaĝo de la Servo pri Kriza Besto klarigante, ke malgranda kvanto da veneno de tiu serpento sufiĉas por igi la viktimon paralizulo post sekundoj de la inokulado. Fine Arthur ne postvivis kaj multoj diras, ke ĝi iĝis "kvarpieda heroo".

Tiu bruna serpento havas la duan plej toksan serpentovenenon de la mondo.

"La Granda Ondo de Kanagavo" farita el 50 mil Lego-pecoj

Skribaĵeto de la 16-a monatotago.
Atentigo pri gramatikaj eraroj bonvenas.

Ĉu vi scias, ke ekzistas la profesio muntisto de aĵoj per Lego-ludilo? Se vi ŝatas tiun konstru-ludilon kun plastaj briketoj kombineblaj, eble vi ŝatus la faroj de la japana artisto Jumpei Mitsui (Jutub-kanalo). Li estas unu el la 21 homoj atestitaj de la marko kiel profesia muntisto de aĵoj el Lego, kaj tio signifas, ke li laboras nur farante artaĵojn per tiaj plastaj eroj.

Lia lasta artaĵo estas "La Granda Ondo de Kanagavo", tiu ksilografio (lignogravuraĵo) de la 19-a jarcento, de la fama japana pentristo Hokusai. La "skulptaĵo" postulis 400-hora laborado kaj 50 mil Lego-pecoj. Ĝi restas konstante ekspoziciata ĉe "Hankyu Brick Museum", en Osako.

Microlino 2.0 estas nova elektra aŭtomobileto surmerkatigota ĉi-jare

Skribaĵeto de la 15-a monatotago.
Atentigo pri gramatikaj eraroj bonvenas.

Micro-Mobility estas svisa firmao, kiu elpensas solvojn por urba moviĝemo, kiel skutiloj kaj Microlino, kiu estas projekto por eta elektra aŭtomobilo prezentita unuafoje en 2016 en la Ĝenevo-Salono. Nun la itala firmao Cecomp produktas en Turino kvin prototipojn pri la Microlino 2.0.

Ĝi estas 513 kilogramoj peza kaj atingas rapidon da 90 km/h. Kun moviĝa aŭtonomo je cirkaŭ 200 kilometroj, kaj prezoj ekde 12.000 eŭroj, tiu veturilo povas esti multe mendata en la eŭropaj urboj.

Junie komencos la proceduro por la aprobo de Microlino 2.0 en Eŭropo, tio postulos 2-3 monatojn, kaj oni antaŭvidas, ke la ekvendado povos okazi ekde la venonta 21-an de septembro.
Retejo: https://microlino-car.com/de/microlino

70-jaraĝulo remadis 4.000 kilometrojn kaj enspezis pli ol £ 1 milionon por la esplorado de alzheimer-malsano

Skribaĵeto de la 14-a monatotago.
Atentigo pri gramatikaj eraroj bonvenas.

56 tagojn remante sur la Atlantiko Frank Rothwell (70-jaraĝa) trairis pli ol 4.000 kilometrojn, ekde La Gomera ĉe la insuloj de Kanarioj ĝis Antigvo kaj Barbudoĉe la Kariba Maro, kie li alvenis sabate, la 6-an ĉi monate.

Tiu defio (Talisker Whiskey Atlantic Challenge) kondukis Rothwell enspezi amason da mono por esplorado pri la alzheimer-malsano. La marko je 1 miliono da britaj pundoj estis atingita lastĵaŭde (la 11-an), kvin tagoj post, ke plenumis la defion. Laŭ lia retejo, pli ol 9 mil homoj faris donacojn. La unua monsumo da £ 500 mil pri donacoj estis duobligita de Iceland Foods Charitable Foundation.

La inspiro por tion fari venis al Rothwell el sia propra familio. Li spertis la agadon de tiu malsano en sia bofrato Roger. Dum li restis e la maro li eksciis, que Roger mortis pro la malsano je la aĝo 62 jaroj.

"Roger estis mia ĉefa instigo por plenumi la defion kaj enspezi £ 1 milionon por esplorado pri demenco. Mi ricevadas centojn da mesaĝoj el homoj, kiuj kiel mi, atestis la malĝojon de demenco, mi fieras enspezi nekredeblan monsumon omaĝe al Roger kaj al tiuj, kiuj spertis la ruinigon, ke ĝi kaŭzas", li diris.

Ankoraŭ aktivas la retpaĝo, kiu ricevas la donacojn.

Jen daŭripova domo starigita per tridimensia printado

Skribaĵeto de la 13-a monatotago.
Atentigo pri gramatikaj eraroj bonvenas.

Pasintmonate la itala fabrikanto Wasp, de 3D-printiloj, prezentis la ekologian domon TECLA, kiu estis farita surbaze de argilo kaj recikligitaj materialoj. Krom esti 100% biomalkomponebla kaj recikleba, tiu domo povas adaptiĝi je diversaj situscioj.

Laŭ la retejo de la firmao la miksaĵo uzata por konstrui la domon konsistas el la grundo de la konstruloko mem (25%), pajlo (40%), rizoŝelo (25%), kaj solvita kalko (kalcia hidroksido, 10%), kiuj estas miksita per muelilo antaŭ ĝia integriĝo al la printa sistemo.

En artikolo sur Vikipedio oni legas: "Tridimensia printado, ankaŭ 3D printado estas ajna el variaj procezoj en kiuj materialo estas arigita aŭ solidigita pere de komputila kontrolo por krei tri-dimensian objekton, dum kiu la materialo estas kunaldonita (kiel likvaj molekuloj aŭ polveroj por esti kunfuziitaj). 3D printado estas uzata kaj por rapida prototipoj kaj por aldona fabrikado. Objektoj povas esti de preskaŭ ajna geometria formo kaj tipe estas produktitaj uzante ciferecajn modelajn mezurojn el 3D modelo aŭ alia elektronika informofonto kiel Aldonfabrika Dosiero (AFD) (kutime en sekvencaj tavoloj). Estas multaj diversaj teknikoj, kiel stereolitografio (SL) aŭ fuzi-stoka modelado (FSM). Tiele, male al la materialo forigita el stokado en la konvencia maŝinprocezoj, 3D printado aŭ la Aldonfabrikado konstruas tri-dimensian objekton el komputil-helpa desegno (CAD) modelo aŭ dosiero AFD, kutime pere de sinsekva aldona materialo el tavolo post tavolo."

Ĉina novjara festo: hodiaŭ komenciĝas la jaro 4719-a

Skribaĵeto de la 12-a monatotago.
Atentigo pri gramatikaj eraroj bonvenas.

Hodiaŭ (vendrede, la 12-an) oni festas la plej grava festotago en granda parto de Azio, nome la ĉina novjara festo. Ĝi koncernas la komenco de la jaro 4719, kiu finiĝos la 31-an de januaro 2022 kaj nomiĝas Jaro de la Metala Bovo. Ĉi foje okazos malpli da festado, pro la zorgado pri la pandemio de kovimo.

Pro la tradicia lunsuna kalendaro la ĉina novjara festo aŭ "luna novjaro" okazas dum la tago de novluno inter la 21-a de januaro kaj la 21-a de februaro.

Laŭ vikipedia artikolo: "Temas pri plurgeneracia familia, parencara festo. Ĉar multaj ĉinoj laboras eksterlande, sed plej multaj familianoj troviĝas en Ĉinio (respektive Tajvano), kaj ankaŭ ene de Ĉinio pro la pli alta bezono je laboristoj ĉe la sudĉina marbordo multaj familioj estas dividitaj, ĉiujare okaze de la festo ekestas la tutmonde plej granda regula amasa vojaĝado. La ekster siaj hejmregionoj laborantaj ĉinoj kutime ŝparas siajn kompletajn feriotagojn, por okaze de la festo havi liberajn tagojn almenaŭ dum du semajnoj, se eble dum pli da tempo. Ĉar dum la festo en la hejmregiono priparoliĝas la familiaj interesoj kaj parte ofertatas novaj laborpostenoj, kromefiko de la amasa vojaĝado estas, ke en iuj jaroj ĝis triono de la festantaj ĉinoj ne plu revenas al la antaŭa laboro. Tiun faktoron la entreprenoj, konstruejoj kaj aliaj laborejoj en sudokcidenta Azio tute sobre antaŭvidas en siaj laborlokaj kalkuloj."

Mallerte, avokato eniris retan juĝaferon aspektante kiel katido

Skribaĵeto de la 11-a monatotago.
Atentigo pri gramatikaj eraroj bonvenas.

"Mi vere estas ĉi tie nun. Mi ne estas kato." Tiuj paroloj estis de advokato, kiu partoprenante retan juĝaferon pere de la retkunsida platformo Zoom mallerte ne atentis, ke estis aktiva la rimedo por aspektigi lian bildon kiel tiun de kateto. La fuŝaĵeto okazis en la Distrita Justica Tribunalo de Brewster, en Usono.

En la koncerna filmeto, kiu estis konigita antaŭhieraŭ (marde, la 9-an), la juĝisto atentigis la kolegon: "Mi pensas, ke vi havas iun videofiltrilon aktivigita ĉe la agordoj...", li diris. Reage la avokato diris: "Mi ne scias kiel forigi ĝin. Mia asistanto provas tion fari."

Similaj okazintaĵoj oftas ekde la komenco de la nuna pandemio, pro la populariĝo de la aplikaĵoj por retkunsidoj. Multaj uzantoj ne regantaj la videofiltrilajn rimedojn ebligis la aperon de amaso da memeoj.

La Eŭropa Kosmagentejo varbas kosmonaŭtojn por vojaĝo al la Luno

Skribaĵeto de la 10-a monatotago.
Atentigo pri gramatikaj eraroj bonvenas.

Per hierŭa komunikaĵo (marde, la 9-an) la Eŭropa Kosmagentejo (ESA) anoncis, ke venontsemajne kampanjos ĉe la ŝtataj membroj por aliĝo de kosmonaŭtoj al nova vojaĝo al la Luno. La koncernaj detaloj estos konigitaj venontmarde (la 16-an), kaj la aliĝoperiodo okazos de la 31-a de marto ĝis la 28-a de majo. La elekta procedo konsistos el ses fazoj, kaj plenumiĝos en la venonta oktobro.

ESA celas rekrutigi jare 100 homojn en la venontaj dek jaroj, kaj esperas logi pli da virinoj ĉi jare. Ĝi informis, ke en 2009 estis entute 8.413 kandidatiĝoj, el kiuj 1.430 estis de virinoj.

Paralele ESA komencas projekton kun la celo elekti ian handikapan kosmonaŭton, "tian unuan kosmonaŭton kun iom da miskapabla nivelo", laŭ la dokumento, kaj la elektito rajtos sekvi la kosmonaŭtan karieron. Ĝi estas la unua tia projekto en la historio de la kosmagentejoj.

Ĉu vi jam aŭdis pri tiu nova aplikaĵo nome Clubhouse?

Skribaĵeto de la 9-a monatotago.
Atentigo pri gramatikaj eraroj bonvenas.

Laŭ la serĉilo Guglo en la lastaj tagoj la serĉado pri Clubhouse, tiu nova aplikaĵo por balili, plialtiĝis je 525% en limtempo da semajno, post ke oni rimarkis gravulojn uzantajn ĝin, kiel la nuna plej riĉulo Elon Musk, kiu la pasintan 31-an de jaruaro partoprenis en tiu platformo la regularan eventon “The Good Time Show”, kunordigita de la paro Sriram Krishnan kaj Aarthi Ramamurthy.

Clubhouse estas aplikaĵo por soci-retejo ekfunkciigita aprile 2020 de la firmao Alpha Exploration Co, kiu estis fondita de Rohan Seth, eks-laboristo de Guglo, kaj Paul Davidson, entreprenisto ĉe la Silicia Valo. Decembre 2020 ĝi estis taksata je preskaŭ 100 milionoj da dolaroj, kaj la 21-an de januaro 2021 ĝi atingis USD 1 miliardon.

Clubhouse estas ejo por okazaj, hazardaj konversacioj (per aŭdaĵo) aranĝitaj laŭ kategorioj, kun amikoj kaj aliaj interesatoj tra la mondo. Tie estas nek fotoj, nek videaĵoj, krom tiu de la profilo. Oni ensalutas iam ajn ĉu por babili kun tiujn, kiujn oni sekvas, ĉu nur por aŭskulti tion, kion oni paroladas. La virtualaj ĉambroj povas gastigi ĝis 5 mil retajn aŭskultantojn.

Komence la aplikaĵo ludas nur per la operaciumo iOS, de la aparato iPhone, kun promeso de ĝia aperigo ankaŭ por aparatoj ludantaj Androidon. Krome por uzi la platformon oni bezonas invitilon. La granda intereso en tiu aplikaĵo atentigis la ĉinan registaron, kaj uzantoj raportis hieraŭ (lunde, la 8-an), ke ĝi ne plu estas funkcianta en tiu lando.

Oni vendas la plej mallarĝan domon de Londono kontraŭ £ 256 mil

Skribaĵeto de la 8-a monatotago.
Atentigo pri gramatikaj eraroj bonvenas.

Troviĝanta inter frizejo kaj klinikejo en la kvartalo Shepherd's Bush, la plej mallarĝa domo de Londono estas larĝa je nur 1,7 metroj. Ĝi estas anoncata por vendo kontraŭ 256 miloj da britaj pundoj (tio estas preskaŭ 1,1 milionoj da eŭroj).

Origine tiu domo estis deponejo de ĉapeloj, kaj alude al ĝia pasinteco la domo konservas malgrandan montrofenestron kun lampoŝirmilo en formo de bulĉapelo. Laŭ David Myers, kiu estas direktoro ĉe la koncerna peranta firmao, la granda prezo praviĝas pro tio, ke tiu konstruaĵo estiĝis en la fino de la 19-a aŭ komenco de la 20-a jarcento. "Ĝi estas unikaĵo en la londona historio. [...] Ĝi koncernas ion da londona magio", li diris al la novaĵagentejo AFP.

Juĝafero pri aŭtoreco de foto premiita: virino uzis bildon de alia fotisto

Skribaĵeto de la 7-a monatotago.
Atentigo pri gramatikaj eraroj bonvenas.

En la brazila urbo Campo Limpo Paulista (subŝtato San-Paŭlo) okazas juĝaferon pri la aŭtoreco pri foto de arbo. Laŭ la fotisto Eder Magalhães, iu virino de la regiono Sanpaŭla ABC estus senpermese uzinta iun lian bildon, kaj ŝi eĉ gajnis premion kun tiu foto en Italujo. Li eksciis tion iam rimarkinte tiun foton afiŝita sur fejabukpaĝo kun kreditoj al la virino.

La bildo montras arbon kun sekajn branĉojn kaj nubojn, kvazaŭ ili estus blanka foliaro de la arbo. Eder diras, ke li kaptis tiun bildon en 2016 malantaŭ la domo kie li loĝas ekde 2013. Afiŝita de li antaŭ kvin jaroj en la soci-retejoj tiu foto estis multe ŝatata. Tamen monate post la publikigo de Eder la virino skribis ĉe sia profilo, ke ŝi fotis ĝin en la subŝtato Rio-Grande-do-Sulo.

Eder klarigas, ke tiu foto ne estas tute vera, ĉar li aldonis en ĝi pli da nubobildoj por perfektigi la "foliaron".